Are Roads being really "Built" ? (Marathi )

सध्या राज्यात पावसामुळे रस्ते खड्डेमय झाल्याचे दिसत आहे . आणि चक्क मा . उच्च न्यायालयाला या विषयाची दखल घावी लागली आहे . कंत्राटदार,राजकारणी आणि प्रशासन यांच्या भ्रष्टाचाराची आणि कंत्राटदारांनी केलेल्या निकृष्ट "रस्ते बांधणी" ची भरपूर चर्चा सध्या माध्यमान मध्ये होत आहे .तरी सुद्धा या सर्व चर्चेत बहुतांश माध्यमांचे एका मुद्द्या कडे दुर्लक्ष झालेले दिसते .तो म्हणजे मुळा त किती रस्ते खरोखर "बांधले " जातात ?

 

हल्ली रस्ते " बांधणे " म्हणजे आधी अस्तित्वात असलेल्या खड्डेमय रस्त्यावर चक चकित डांबर टाकून रोलर फिरविणे असा अर्थ घेतला जातो !त्यामुळे वरून टाकलेला हा डांबराचा थर खाली काहीच पकडून ठेवणारा पाया नसल्याने पहिल्याच पावसात जातो आणि पुन्हा खड्डे पडतात. तसेच प्रत्येक वर्षी असे थर वरून टाकले जाऊन रस्त्याची उंची वाढते आणि मग बाजूच्या वस्तीपेक्षा रस्ता उंच होऊन बाजूला पाणी जमणे ,बाजूची साईड पट्टी खचणे वगैरे बाकीच्या समस्या निर्माण होतात . त्यामुळे मुद्दाम लक्ष देऊन सध्या पडलेले खड्डे पहा . खड्ड्याच्या खाली सुद्धा एक जुना डांबराचा थर सापडेल !

रस्ते "बांधण्याचे" एक शास्त्र असून त्या वर भरपूर माहिती उपलब्ध आहे . जिज्ञासूंनी केंद्रीय रस्ते वाहतूक वाहतूक मंत्रालयाच्या अखत्यारीत येणाऱ्या "इंडियन रोड कॉंग्रेस " ची www.irc.org.in ही वेबसाईट पहावी . देशभरात बांधले जाणारे रस्ते,महामार्ग वगैरे याच संस्थेच्या स्पेसिफिकेशन नुसार आणि त्यांनी मान्य केलेल्या तंत्र्द्याना नुसार बांधले जावेत असा नियम आहे . परंतु असे काही नियम आहेत हेच हल्लीच्या कंत्राटदार आणि पालिका अभियंत्यांना माहित आहे की माहित असून सोयीस्कर रित्या अज्ञानाचे सोंग घेतले जाते हा संशोधनाचा विषय ठरावा!

त्या मुळे भ्रष्टाचारावर चर्चा जरूर व्हावी पण आजू बाजूचे रस्ते खरोखर पाया खणून,मान्य नियामाकानुसार नक्की "बांधले" जातात कि त्या वरून फक्त डांबर टाकून नवीन रस्ता केल्याचा आभास निर्माण केला जातो या विषयी सर्व नागरिकांनी आणि स्वयंसेवी संस्थांनी डोळ्यात तेल घालून लक्ष ठेवले तर भ्रष्टाचार झाला तरी निदान जे काम झाले ते तरी नीट होईल ! (बोफोर्स घोटाळा झाला पण घेतलेल्या तोफा मात्र उत्कृष्ठ होत्या आणि त्यांनी कारगिल युद्धात चांगली कामगिरी बजावली तसे )

 

भ्रष्टाचार निर्मुलन वगैरे आपण पुढील निवडणुकीच्या वेळी वेळी मतपेटी मधून बघून घेऊ !